၁၈၄၈ ခုနှစ်၏ မေလ (၃၀) ရက်နေ့တွင် လန်ဒန်မြို့၌ လုပ်ငန်းရှင်တစ်စုတွေ့ဆုံကာ ပရူဒန်ရှယ်အာမခံ၏ Prudential Mutual Assurance, Investment and Loan Association ကို ဖွဲ့စည်းခဲ့ပါသည်။ Prudential ဟူသော အမည်သည် “Prudence” ဟူသည့် စကားလုံးကို အမှီသဟဲပြု၍ ဆင့်ကဲပေးထားသော နာမည်ဖြစ်ပြီး၊ ပရူဒန်ရှယ်အာမခံ - Prudential ၏ စီးပွားရေးလုပ်ငန်းတစ်ခုလုံးကိုကိုယ်စားပြုရန် “Prudence” ဟူသည့်စကားလုံး၏ ပုံသဏ္ဌာန်ကို သင့်တော်အောင်ပြုပြင်၍ မူလပထမကုမ္ပဏီတံဆိပ်တွင် အသုံးပြုရန် ဆုံးဖြတ်ခဲ့ကြသည်။ ပရူဒန်ရှယ်အာမခံ - Prudential သည် အသက်အာမခံ၊ ကျန်းမာရေးအာမခံ၊ အငြိမ်းစားယူခြင်းဆိုင်ရာ ဝန်ဆောင်မှုများ၊ အပြန်အလှန်ရန်ပုံငွေများ၊ ပိုင်ဆိုင်မှုစီမံခန့်ခွဲမှုနှင့် ရင်းနှီးမြှုပ်နှံမှု စီမံခန့်ခွဲမှုများအပါအဝင် ဘဏ္ဍာရေးဝန်ဆောင်မှုနှင့် ထုတ်ကုန်များကို ဦးဆောင်ပံ့ပိုးပေးနေသည့် ကုမ္ပဏီတစ်ခုဖြစ်ပါသည်။
၁၉၂၃ ခုနှစ်တွင် ပရူဒန်ရှယ်အာမခံ၏ ပထမဆုံးသောပြည်ပလုပ်ငန်းဖြစ်သည့် အသက်အာမခံလုပ်ငန်းကို အိန္ဒိယနိုင်ငံ၊ ကာလကတ္တားမြို့တွင် ဖွင့်လှစ်နိုင်ခဲ့ပါသည်။ ထိုလုပ်ငန်းသည် ပရူဒန်ရှယ်အာမခံ - Prudential ၏ ကမ္ဘ့ာစျေးကွက်တွင် ပထမဆုံးခြေလှမ်းပင်ဖြစ်သည်။ ထို့နောက် အထွေထွေအာမခံအေဂျင်စီများကို တရုတ်နိုင်ငံနှင့် ဖိလစ်ပိုင်နိုင်ငံတို့၌ ၁၉၂၀ ခုနှစ်အတွင်းဖွင့်လှစ်ခဲ့ပြီး နောက်မကြာမီအချိန်အတွင်းမှာပင် Life Insurance အသက်အာမခံလုပ်ငန်းများကို မလေးရှားနှင့် စင်ကာပူနိုင်ငံများအထိပါ တိုးချဲ့ဖွင့်လှစ်နိုင်ခဲ့ပါသည်။
ထို့နောက် ၁၉၃၀ ခုနှစ်တွင် ရုံးချုပ်မှအရာရှိများ တောင်အာဖရိကသို့ နှစ်ပတ်ကြာ စုံစမ်းစစ်ဆေးရေးခရီးစဉ် သွားရောက်ခဲ့ရာမှ အစပြု၍ ပရူဒန်ရှယ်အာမခံ ၏ အာဖရိကခြေလှမ်းကို စတင်နိုင်ခဲ့ပါသည်။ ထိုခရီးစဥ်မှ ရရှိခဲ့သော တွေ့ရှိချက်များသည် ၁၉၃၁ ခုနှစ်တွင် Johannesburg မြို့၌ ရုံးချုပ်တည် ထောင်နိုင် ခဲ့သည်အထိ အထောက်အကူပေးနိုင်ခဲ့ရုံသာမက ၁၉၃၂ ခုနှစ် တွင် အေဂျင်စီ တစ်ခု ဖွဲ့စည်းနိုင်ခဲ့သည်အထိ အကျိုးသက်ရောက်မှုရှိခဲ့ပါသည်။
ဤသို့ဖြင့် ၁၉၃၉ ခုနှစ်တွင်ပရူဒန်ရှယ်အာမခံ ၏ နိုင်ငံရပ်ခြားအသက်အာမခံဌာနခွဲများမှ အသားတင် လုပ်ငန်းတန်ဖိုးသည် အင်္ဂလန်ရှိ အခြားလုပ်ငန်းများနှင့် အပြိုင်ဖြစ်လာပြီး တရိပ်ရိပ်တိုးတက်လာခဲ့သည်။
၁၉၉၄ ခုနှစ်တွင် Prudential Corporation Asia ကိုတည်ထောင်ခဲ့ပြီး အာရှ၏အလားအလာမြင့်မားကောင်းမွန်သောတိုးတက်မှုတစ်ခုအဖြစ်အသိအမှတ်ပြုလာကြရသည်။
ဥရောပနှင့် အမေရိကားရှိ ပရူဒန်ရှယ်အာမခံ ၏လုပ်ငန်းခွဲများကို ၂၀၂၁ ခုနှစ်တွင် အပြီးသတ်ပြီးနောက်၊ ယခုလက်ရှိအချိန်တွင် အာရှနှင့် အာဖရိကစျေးကွက်များ၌ အရှိန်အဟုန်ဖြင့်တိုးတက်လာစေရေးအတွက် အလေးပေး ဆောင်ရွက်နေပါသည်။
ပရူဒန်ရှယ်အာမခံ ၏ လုပ်ငန်းတည်ထောင်မှုသက်တမ်း (၁၇၅) နှစ်မြောက် နှင့် အာရှစျေးကွက်တွင် နှစ်ပေါင်း (၁၀၀) တိုင်တိုင်ရပ်တည်လာခဲ့ခြင်းအထိမ်းအမှတ်တွင်ပရူဒန်ရှယ်အာမခံ ဖောက်သည် များ၏ ကျန်းမာရေး၊ ကြွယ်၀ရေးနှင့် လူမှုဖူလုံရေး စသည့်လိုအပ်ချက်များကို နှစ်ပေါင်းများစွာ ဖြည့်ဆည်းပေးနိုင်ခဲ့ခြင်းအပေါ် ဒို့တွေရဲ့ ပရူဒန်ရှယ်အာမခံမှ အစဉ်အမြဲ ဂုဏ်ယူဝမ်းမြောက်မိပါသည်။
ပရူဒန်ရှယ်အာမခံ - Prudential ၏ ၁၇၅ နှစ်ပြည့် အထိမ်းအမှတ်အကြောင်း အသေးစိတ်ကို သိရှိလိုပါက ဤနေရာကို နှိပ်ပါ။