Prudential Myanmar အကြောင်းတစေ့တစောင်း
Prudential Myanmar Life Insurance (Prudential Myanmar) ဆိုတာ Prudential Corporation Asia လက်အောက်မှာရှိပြီး မြန်မာနိုင်ငံမှာ တစ်ဦးပိုင်အဖြစ် လုပ်ကိုင်နေတဲ့ အသက်အာမခံကုမ္ပဏီတစ်ခု ဖြစ်ပါတယ်။ Prudential Myanmar ဟာ ၂၀၁၉ ခုနစ် နိုဝင်ဘာလမှာ မြန်မာနိုင်ငံ စီမံကိန်းနဲ့ ဘဏ္ဍာရေးဝန်ကြီးဌာ (MoPF) က ပေးအပ်တဲ့ အသက်အာမခံလုပ်ငန်း ဆောင်ရွက်ခွင့်လိုင်စင်ရရှိခဲ့ပြီး မြန်မာနိုင်ငံပြည်သူတွေအတွက် ရေရှည် ယုံကြည်စိတ်ချရတဲ့ ကာကွယ်စောင့်ရှောက်မှုနဲ့ လိုအပ်ချိန်မှာ အထောက်အပံ့ဖြစ်စေမယ့် စုဆောင်းငွေတွေ ပိုမို တိုးပွားလာစေမယ့် အသက် အာမခံ ပေါ်လစီ ထုတ်ကုန်တွေနဲ့ ငွေကြေးဖြေရှင်းချက်တွေကို ဝန်ဆောင်မှု ပေးလျက်ရှိနေပါတယ်။
Prudential Myanmar အနေနဲ့ မြန်မာနိုင်ငံမှာ အသက်အာမခံ လုပ်ငန်းကဏ္ဍ တိုးတက်ပျံ့နှံ့လာစေဖို့နဲ့ ပြည်သူ အားလုံးပါဝင် အသုံးပြုနိုင်တဲ့ ဘဏ္ဍာရေးစနစ်ကို တိုးမြှင့်ဖော်ဆောင်ပေးနိုင်ဖို့ တစ်နိုင်ငံလုံး အတိုင်းအတာနဲ့ အလေးထား ကြိုးစားဆောင်ရွက်သွားမှာ ဖြစ်ပါတယ်။ Prudential Myanmar ရဲ့ နည်းပညာ ဦးစားပေးချဉ်းကပ်မှုနဲ့ အာမခံ ဝန်ဆောင်မှုတွေကို ရိုးရှင်းလွယ်ကူပြီး အဆင်ပြေချောမွေ့စွာ ရယူနိုင်မယ့်အပြင် မြန်မာနိုင်ငံ အနှံ့အပြားမှာရှိတဲ့ ပြည်သူတွေဆီကို ကျယ်ကျယ်ပြန့်ပြန့် ပျံ့နှံ့ရောက်ရှိနိုင်စေဖို့ ကတိကဝတ်ပြုထားပါတယ်။
ကျွန်ုပ်တို့ရဲ့ အမှတ်တံဆိပ် Prudence
ကျွန်ုပ်တို့ရဲ့ ယုံကြည်မှု
ကျွန်ုပ်တို့ရဲ့ တာဝန်
ကျွန်ုပ်တို့ရဲ့ ရည်မှန်းချက်
ကျွန်ုပ်တို့ရဲ့ တန်ဖိုးထားမှု
|
ရည်မှန်းချက် ခိုင်မာမှု |
ဒို့တွေရဲ့ လုပ်ငန်းသဘောက အပြိုင်အဆိုင်များလှပါတယ်။ အကောင်းဆုံး လုပ်နိုင်ရမယ်လို့ ကိုယ်ကိုယ်တိုင်ရော၊ တစ်ဦးနဲ့တစ်ဦးရော တိုက်တွန်းကြတယ်ဆိုပေမယ့် စဉ်းစားချင့်ချိန်မှု မရှိဘဲ လုပ်ခိုင်းတာမျိုး မဖြစ်ရပါဘူး။ အဖွဲ့ဝင်ကောင်း တစ်ယောက်အနေနဲ့ လုပ်စရာရှိတာကို မှန်မှန်ကန်ကန် လုပ်ဆောင်ဖို့က အဓိက ဦးစားပေး ဖြစ်ပါတယ်။ |
|
သင်ယူလေ့လာလိုစိတ် ပြင်းပြမှု |
ကမ္ဘာကြီးက ဘယ်တုန်းကနဲ့မှမတူတဲ့နှုန်းနဲ့ မြန်မြန်ဆန်ဆန် ပြောင်းလဲနေပါတယ်။ ဘယ်သူမှ အားလုံးကို သိမနေနိုင်ပါဘူး။ ဒို့တွေက သင်ယူ၊ နားလည်နိုင်ဖို့ဆိုရင် နှိမ့်ချတဲ့စိတ်ထားနဲ့ အမြဲတမ်း နားစွင့်ပြီး ရှာဖွေလေ့လာနေပါတယ်။ |
|
ကိုယ်ချင်းစာနာတတ်မှု |
တစ်ခြားသူရဲ့နေရာကနေ ဝင်ပြီး ခံစားပေးဖို့ဆိုတာ နားလည်ပေးနိုင်စွမ်းကို အသုံးချတတ်တဲ့ ပညာတစ်ခုပါပဲ။ ဒို့တွေကတော့ customer တွေ၊ လုပ်ဖော်ကိုင်ဖက်တွေနဲ့ ဆက်ဆံတဲ့နေရာမှာ ကိုယ်ချင်းစာနာတတ်တဲ့စိတ်ကို အမြဲ အရင်းခံထားပါတယ်။ |
|
ရဲရင့်မှု |
ပရူဒန်ရှယ်အာမခံရဲ့ အောင်မြင်မှုနဲ့ အစဉ်အလာဆိုတာ ဒို့အားလုံး မျှဝေခံစားကြတဲ့ အမွေအနှစ်ဖြစ်တာကြောင့် ဒို့တွေ အားလုံးနဲ့ သက်ဆိုင်ပါတယ်။ ဒါကို ဒို့တွေ အတူတူ တည်ဆောက်ကြတယ်၊ အလုပ်ကို အစွမ်းကုန် ကြိုးစားအားထုတ်ကြတယ်၊ ပြီးတော့ အမှန်တရားဘက်က ရဲရဲဝံ့ဝံ့ ရပ်တည်ကြပါတယ်။ |
|
သွက်လက်မြန်ဆန်မှု |
သွက်သွက်လက်လက်နဲ့ လိုက်လျောညီထွေဖြစ်အောင် နေတတ်ဖို့ လိုအပ်ပါတယ်။ လိုအပ်ချက်တွေကနေ သင်ယူပြီး ရှေ့ဆက်နိုင်ဖို့ အဓိက အားပေးတဲ့ အတွေ့အကြုံတွေကနေ အမြဲမပြတ် သင်ယူနေတဲ့နည်းလမ်းတွေနဲ့ ဒို့တွေက လုပ်ဆောင်ပါတယ်။ |
