Select your language

ပရူဒန်ရှယ်မြန်မာ၏ COVID-19 အာမခံ နှင့် စည်းမျဥ်းစည်းကမ်းချက်များ

၂၀၂၁ ခုနှစ်၊ ဇူလိုင်လ ၁ ရက်နေ့မှ ၂၀၂၁ ခုနှစ်၊ ဒီဇင်ဘာလ ၃၁ ရက်နေ့(အထူးအစီအစဥ်ကာလ) အတွင်း Prudential Myanmar Life Insurance ၏ အသက်အာမခံဝန်ဆောင်မှုများကို ဝယ်ယူ၍ အသက်အာမခံထားသူဖြစ်ခဲ့ပါက အောက်ဖော်ပြပါ အကျိုးခံစားခွင့်များကို ရက်(၉၀)အတွင်း မည်သည့်ဝန်ဆောင်ခမှ ထပ်ဆောင်းပေးရန် မလိုအပ်ဘဲ ရရှိမည်ဖြစ်ပါသည်။ ဤ အထူးအစီအစဥ်ကာလအတွင်း အာမခံအသစ် ထားရှိသူများသည် သတ်မှတ်ထားသော စည်းမျဥ်းစည်းကမ်းချက်များနှင့်အညီ အာမခံအကာအကွယ်ကို ရက် ၉၀ ရရှိမည်ဖြစ်ပါသည်။ ပရူဒန်ရှယ်မြန်မာ၏ အာမခံအသစ်ထားရှိသူများပါမက သက်တမ်းကျန်ရှိသေးသော အာမခံထားရှိသူများသည် ယခုအထူးအစီအစဉ်ကို ဒီဇင်ဘာလ ၃၁ ရက်နေ့၊ ၂၀၂၁ အထိ အကျိုးခံစားခွင့်ရရှိမည်ဖြစ်ပါသည်။

 (အကျိုးခံစားခွင့်ဇယား)

ဤ COVID-19 အာမခံအကာအကွယ်အတွက် အကျိုးခံစားခွင့်များမှာ အောက်ဖော်ပြပါအတိုင်းဖြစ်ပါသည်။ စုစုပေါင်းပေးချေနိုင်သော ငွေပမာဏသည် အသက်အာမခံထားသူတွင် ဖြစ်ပွားခဲ့သော ရောဂါအခြေအနေနှင့် တောင်းခံ‌ခဲ့သော COVID-19 အကျိုးခံစားခွင့် အပေါ်တွင် မူတည်ပါသည်။

ဥပမာ။   ။ အာမခံထားငွေ သိန်း ၄၀ ရှိသော သူသည် ‌‌ဆေးရုံတက်‌ရောက်ကုသခြင်း အကျိုးခံစားခွင့် ၁၀ သိန်းကို တောင်းခံထားပြီး ပြင်းထန်သောလက္ခဏာအတွက် အကျိုးခံစားခွင့် သိန်း ၂၀ ကို ထပ်မံတောင်းခံခဲ့ပါက ကျွန်ုပ်တို့အနေဖြင့် ၁၀ သိန်းကိုသာ ထပ်မံပေးမည်ဖြစ်ပါသည်။

 

အကျိုးခံစားခွင့်များ

 

အခြေအနေများ 

အကျိုးခံစားခွင့်ရရှိနိုင်မည့် ငွေပမာဏ

ဆေးရုံတက်ရောက်

ကုသခြင်း အကျိုးခံစားခွင့်

 

အာမခံထားသူသည် COVID-19 ၏ သာမန်နှင့် သာမန်ထက်ပိုသော ရောဂါလက္ခဏာကို တွေ့ရှိခဲ့ပါက

အာမခံထားငွေ၏ ၂၅% ကို ထုတ်ပေးမည်ဖြစ်ပြီး အများဆုံး ၁၀ သိန်းအထိ ရရှိနိုင်ပါသည်။

ပြင်းထန်သောလက္ခဏာ အတွက် အကျိုးခံစားခွင့်

 

အာမခံထားသူသည် COVID-19 ၏ ပြင်းထန်သော ရောဂါလက္ခဏာကို တွေ့ရှိခဲ့ပါက 

အာမခံထားငွေ၏ ၅၀ %ကို ထုတ်ပေးမည်ဖြစ်ပြီး အများဆုံး ၂၀ သိန်းအထိ ရရှိနိုင်ပါသည်။

အထူးကြပ်မတ် ကုသဆောင်တွင် တက်ရောက် ကုသခံရခြင်း အတွက် အကျိုးခံစားခွင့်

 

အာမခံထားသူသည် COVID-19 ရောဂါ‌ကြောင့် အထူးကြပ်မတ် ကုသဆောင် ICUတွင် ကုသခြင်းခံရပါက

အာမခံထားငွေ၏ ၁၀၀% ကို ထုတ်ပေးမည်ဖြစ်ပြီး အများဆုံး ၁၀၀ သိန်းအထိ ရရှိနိုင်ပါသည်။

အသက်သေဆုံးခြင်း အတွက် အကျိုးခံစားခွင့်

 

 

အာမခံထားသူသည် COVID-19 ရောဂါ‌ကြောင့် အထူးကြပ်မတ် ကုသဆောင် ICUတွင် ကုသလျက် သေဆုံးခဲ့ပါက

အာမခံထားငွေ၏ ၁၀၀% ကို ထုတ်ပေးမည်ဖြစ်ပြီး အများဆုံး သိန်း ၁၅၀ အထိ ရရှိနိုင်ပါသည်။

 

1. သာမန်လက္ခဏာများ

COVID-19 ရောဂါလက္ခဏာများရှိသော်လည်း အဆုတ်ရောင်(နမိုးနီးယား) သို့မဟုတ် ကိုယ်တွင်းအောက်စီဂျင်နည်းခြင်းတို့ မရှိခြင်း။ အနံ့မရသည့်လက္ခဏာ တစ်ခုတည်းရှိသူသည် ယခုခံစားခွင့်နှင့် အကျုံးမဝင်ပါ။

2. သာမန်ထက်ပိုသောလက္ခဏာများ

အဆုတ်ရောင်(နမိုးနီးယား) ရောဂါလက္ခဏာများဖြစ်သော ဖျားခြင်း၊ ချောင်းဆိုးခြင်း၊ မောခြင်း နှင့် အသက်ရှုမြန်ခြင်းတို့ကို ခံစားနေရသော လူငယ်လူရွယ်နှင့် လူကြီးများ

3. ပြင်းထန်သောလက္ခဏာများ

အဆုတ်ရောင်(နမိုးနီးယား) ရောဂါလက္ခဏာများဖြစ်သော ဖျားခြင်း၊ ချောင်းဆိုးခြင်း၊ မောခြင်း နှင့် အသက်ရှုမြန်ခြင်းတို့ကို ခံစားနေရသော လူငယ်လူရွယ်နှင့် လူကြီးများ တွင် အောက်ပါလက္ခဏာတစ်ခုခုပါ ဖြစ်ပွားနေခြင်း၊

(က) အသက်ရှုနှုန်း တစ်မိနစ်အကြိမ် ၃၀ ထက်များနေခြင်း။

(ခ) ပြင်းထန်သော အသက်ရှုခက်ခဲခြင်း (သို့) အခန်းတွင်းလေထုမှာပင် SpO2 ၉၃ ရာနှုန်းထက် ကျဆင်းနေခြင်း။

 

 စည်းမျဥ်းစည်းကမ်းချက်များ

  1. Prudential Myanmar Life Insurance Limited တွင် အာမခံထားသူများသည် အကျိုးခံစားခွင့် ရှိပါသည်။

  • အထူးအစီအစဥ်ကာလအတွင်း ပေါ်လစီအသစ်ဝယ်ယူထားသူများ၏ COVID-19 အတွက် အာမခံအကာအကွယ် သက်တမ်းသည် ပေါ်လစီစတင်ထုတ်ပေးသည့် နေ့မှစတင်၍ (အာမခံ အကာအကွယ်) ရက် ၉၀ အတွင်း ခံစားခွင့်ရှိမည်ဖြစ်ပါသည်။

  • လက်ရှိဝယ်ယူထားသော ပေါ်လစီများ၏ ယခင် COVID-19 အာမခံအကာအကွယ်မှာ သက်တမ်း ကုန်ဆုံးသွားပါပြီ၊ အသစ်ပြန်လည်ပြဋ္ဌာန်းထားသော အာမခံအကာအကွယ်ကို သတ်မှတ်ထားသော စည်းမျဥ်းစည်းကမ်းချက်များနှင့်အညီ 

    ဒီဇင်ဘာလ ၃၁ ရက်နေ့၊ ၂၀၂၁ အထိ မကုန်ဆုံးခင်အချိန်အထိ အကျိုးခံစားခွင့် ရှိမည်ဖြစ်ပါသည်။
  1. အသက်အာမခံထားသူသည် COVID-19 ရောဂါလက္ခဏာ သို့မဟုတ် တခြားအလားတူ ရောဂါလက္ခဏာ များ ယခင်က ဖြစ်ပေါ်ခဲ့ဖူးပါက (သို့မဟုတ်) ပေါ်လစီဝယ်ယူပြီး ၁၄ ရက်အတွင်း ဖြစ်ပေါ်လာပါက အာမခံထားသူသည် အကျိုးခံစားခွင့်များကို ရရှိနိုင်မည်မဟုတ်ပါ။

  2. ဤအစီအစဥ်အတွက် အကျိုးခံစားခွင့်တောင်းခံခြင်းအတွက် ကျွန်ုပ်တို့အနေဖြင့် သက်ဆိုင်ရာ လိုအပ်သော ဆေးစစ်ချက်၊ ဆေးမှတ်တမ်းများ နှင့် သေစာရင်းလက်မှတ်တို့ကို တောင်းဆိုသွားမည် ဖြစ်ပါသည်။ အကျိုးခံစားခွင့်တောင်းခံခြင်းအတွက် စစ်ဆေးရာတွင် စာရွက်စာတမ်းများ ထပ်မံလိုအပ်လာပါက ဆက်လက်တောင်းဆိုမည် ဖြစ်ပါသည်။

  3. “COVID-19” ဆိုသည်မှာ ကမ္ဘာ့ ကျန်းမာရေး အဖွဲ့အစည်းမှ ထုတ်ပြန်ကြေငြာထားသော လတ်တလော အသက်ရှူလမ်းကြောင်းဆိုင်ရာရောဂါ (Novel Coronavirus) ကိုဆိုလိုခြင်းဖြစ်ပါသည်။ ရောဂါလက္ခဏာများကို ဓါတ်ခွဲအတည်ပြုထားသော ဆေးစစ်ချက်မှတ်တမ်းသည် အစိုးရဖွဲ့အစည်း မှ အသိအမှတ်ပြုထားသော ‌ဆေးရုံများမှ ဖြစ်ရပါမည်။ အခြားပြင်ပ ဆေးခန်းများမှ ရောဂါလက္ခဏာ စမ်းသပ်စစ်ဆေးချက်များသည် သတ်မှတ်ချက်များနှင့် ကိုက်ညီမှုမရှိပါ။

  4. အကျိုးခံစားခွင့်များကို ရယူနိုင်ရန်အတွက် အာမခံထားသူ၏ ပေါ်လစီသည် ၎င်းသက်တမ်းရှိစဥ် အတွင်းသာ အကျိုးခံစားခွင့်များကို တောင်းခံနိုင်မည်ဖြစ်ပါသည်။

  5. ယခုနှင့် ယခင် COVID-19 အထူးအစီအစဥ်နှင့်ပတ်သက်၍ အကျိုးခံစားခွင့်များကို ဝယ်ယူထားသော ပေါ်လစီများနှင့် မသက်ဆိုင်ဘဲ အာမခံသက်တမ်းအတွင်း ၁ ကြိမ်သာ တောင်းခံခွင့်ရှိပါသည်။ အကယ်၍ COVID-19 အကျိုးခံစားခွင့်နှင့် ပတ်သက်၍ ယခင်ကတောင်းခံခဲ့ဖူးပါက တခြားအကျိုးခံစားခွင့်များအတွက် အများဆုံးထုတ်ပေးနိုင်မည့် ပမာဏကို လျော့၍ ပေးမည်ဖြစ်ပါသည်။

  6. ကျွန်ုပ်တို့အနေဖြင့် ဖော်ပြပါအကျိုးခံစားခွင့်များနှင့် ပတ်သက်၍ ပြောင်းလဲခြင်း၊ ရုတ်သိမ်းခြင်း စသည့် စည်းကမ်းသတ်မှတ်ချက်များကို အချိန်မရွေး ပြုပြင်ပြောင်းလဲပိုင်ခွင့်ရှိသည်။ တစ်စုံတစ်ရာ အငြင်းပွားမှု ပေါ်ပေါက်ခဲ့ပါက ကျွန်ုပ်တို့ဘက်မှ အတည်ပြုဆုံးဖြတ်ပိုင်ခွင့်ရှိပါသည်။

ပရူဒန်ရှယ်အာမခံ၏ COVID-19 အခမဲ့ အာမခံအကာအကွယ်အတွက် ထပ်မံဖြည့်သွင်းထားသော စည်းမျဥ်းစည်းကမ်းချက်များ

အောက်ပါအကြောင်းအရာသည် ပရူဒန်ရှယ်အာမခံ၏ 'အခမဲ့ COVID-19 အာမခံအကာအကွယ်' အစီအစဉ်အတွက် ထပ်မံ ဖြည့်သွင်းထားသော အချက်အလက်များ ဖြစ်ပါသည်။ ၂၀၂၁ ခုနှစ်၊ ဇူလိုင်လ ၁ ရက်နေ့မှ ၂၀၂၁ ခုနှစ်၊ ဒီဇင်ဘာလ ၃၁ ရက်နေ့ (မူလသတ်မှတ်ထားသော 'အစီအစဉ်ကာလ') အတွင်း ပရူဒန်ရှယ်အာမခံ၏ တစ်ဦးချင်း သို့မဟုတ် အဖွဲ့လိုက် အသက်အာမခံ အစီအစဉ်များအတွင်း အသက်အာမခံထားရှိသူဖြစ်စေ၊ ၂၀၂၁ ခုနှစ်၊ ဇူလိုင်လ ၁ ရက်နေ့တွင် သက်တမ်းကျန်ရှိသော အာမခံပေါ်လစီ ထားရှိသူများဖြစ်စေ အောက်ပါ ထပ်ဆောင်းအကျိုးခံစားခွင့်များကို မည်သည့် ဝန်ဆောင်ခမှ ထပ်မံ ပေးဆောင်ရန် မလိုအပ်ဘဲ ရရှိနိုင်မည် ဖြစ်သည်။

ဤအကျိုးခံစားခွင့်သည် ‘ဆေးရုံတက်ရောက်ကုသခြင်း အကျိုးခံစားခွင့်’ တွင် ထပ်ဆောင်းပေးအပ်ထားသော ခံစားခွင့်ဖြစ်ပြီး ယခုကဲ့သို့ အခက်အခဲများနှင့် ရင်ဆိုင်နေရချိန်တွင် customer များအနေဖြင့် သာမန် နှင့်  သာမန်ထက်ပိုသော ရောဂါလက္ခဏာများကို ခံစားနေရပြီး ဆေးရုံတွင် တက်ရောက်ကုသနိုင်ခြင်းမရှိမည့်အစား အကျိုးခံစားခွင့် ရရှိနိုင်ရန် ပေးအပ်ထားခြင်း ဖြစ်ပါသည်။

အကျိုးခံစားခွင့်ဇယား

ဤ ထပ်ဆောင်းအကျိုးခံစားခွင့်သည် ပရူဒန်ရှယ်အာမခံမှ လက်ရှိပေးအပ်ထားသော အခမဲ့ COVID-19 အာမခံအကာအကွယ် အောက်ရှိ အကျိုးခံစားခွင့်များအားလုံးအပြင် ထပ်မံဖြည့်သွင်း ပေးအပ်လိုက်ခြင်း ဖြစ်ပါသည်။ စုစုပေါင်းပေးချေနိုင်သော ငွေပမာဏသည် အသက်အာမခံထားသူတွင် ဖြစ်ပွားခဲ့သော ရောဂါအခြေအနေနှင့် တောင်းခံ‌ခဲ့သော COVID-19 အကျိုးခံစားခွင့်အပေါ်တွင် မူတည်ပါသည်။ ထပ်မံ ရရှိနိုင်မည့် အကျိုးခံစားခွင့်များမှာ ယခင်က COVID-19 အကျိူးခံစားခွင့်တောင်းခံဖူးခဲ့လျှင် ယင်းပမာဏ ကို ထုတ်နှုတ်ပြီး ကျန်ရှိသော ပမာဏကို ပေးအပ်သွားမည် ဖြစ်ပါသည်။

အကျိုးခံစားခွင့်များ

အခြေအနေများ

အကျိုးခံစားခွင့်ရရှိနိုင်မည့် ငွေပမာဏ*

ပြန်လည်တောင်းခံနိုင်သည့် အကျိုးခံစားခွင့်

အသက်အာမခံထားရှိသူသည် COVID-19 ကူးစက်ခံရသောကြောင့် သာမန်နှင့် သာမန်ထက်ပိုသော ရောဂါလက္ခဏာများ ခံစားခဲ့ရပြီး ‘ဆေးရုံတက်ရောက်ကုသခြင်း' အတွက် အကျိုးခံစားခွင့်ကို မတောင်းခံနိုင်ခဲ့ပါက

ပြန်လည်တောင်းခံနိုင်သော ပမာဏသည် အမှန်တကယ် ကျသင့်သည့် ဆေးကုသမှု ကုန်ကျစရိတ်အားလုံး ကို ပေးအပ်မည်ဖြစ်ပြီး ယင်းပမာဏသည် အာမခံထားငွေ၏ ၂၅% နှင့် အများဆုံး ကျပ်ငွေ ၁,၀၀၀,၀၀၀ ထက် မကျော်လွန်ရပါ။

စည်းမျဥ်းစည်းကမ်းချက်များ

၁) 'အခမဲ့ COVID-19 အာမခံအကာအကွယ်' (သို့မဟုတ် မူလသတ်မှတ်ထားသော အစီအစဉ်) ၏ စည်းမျဉ်းစည်းကမ်းချက်များကို ထပ်မံဖြည့်စွက်၊ ထည့်သွင်းထားပါသည်။ (ဤအစီအစဉ်၏ စည်းမျဉ်းစည်းကမ်းချက် အပြည့်အစုံကို မူလစာမျက်နှာတွင် ကြည့်ရှုနိုင်ပါသည်) စတင်အကျုံးဝင်သော နေ့ရက်နှင့် ကုန်ဆုံးသော နေ့ရက်သည် မူလအစီအစဉ်တွင် ပါရှိသည့်အတိုင်း ဖြစ်သည်။ ဥပမာ ၂၀၂၁ ခုနှစ်၊ ဇူလိုင်လ ၁ ရက်နေ့မှစတင်ပြီး ၂၀၂၁ ခုနှစ်၊ ဒီဇင်ဘာလ ၃၁ ရက်နေ့အထိ သက်ရောက်မှုရှိမည် ဖြစ်ပါသည်။

၂) သာမန်နှင့် သာမန်ထက်ပိုသော  ရောဂါလက္ခဏာဟု ဖော်ပြချက်သည် မူလအစီအစဉ်တွင် ပါရှိသည့်အတိုင်းဖြစ်ပြီး အစိုးရအသိအမှတ်ပြု ဆရာဝန်များ၏ ဆေးညွှန်း (သို့မဟုတ်) ဆေးကုသမှုမှတ်တမ်း တစ်ခုခုတွင် အဆိုပါလက္ခဏာကို ဖော်ပြထားရန် လိုအပ်ပါသည်။

၃) Customer အနေဖြင့် COVID-19 ရောဂါကူးစက်ခံရပြီးနောက် သာမန်နှင့် သာမန်ထက်ပိုသော ရောဂါလက္ခဏာများအတွက် ဆေးကုသမှုများကို အောက်ဖော်ပြပါ ပြန်လည်တောင်းခံနိုင်သည့် ကုန်ကျစရိတ်များအတိုင်း ဝယ်ယူထားသည့် ပြေစာများကို ပြည့်စုံစွာ တင်ပြ၍ တောင်းခံနိုင်ပါသည်။

က) အာမခံထားရှိသူအတွက် COVID-19 Polymerase Chain Reaction Test (PCR) (သို့မဟုတ်) Rapid Diagnosis Test (RDT) စစ်ဆေးမှု တစ်ကြိမ်

ခ) အာမခံထားရှိသူ၏ COVID-19 ကူးစက်မှုအတွက် အိမ်တွင် ဆေးကုသမှုခံယူနိုင်ရန် အစိုးရအသိအမှတ်ပြုလက်မှတ်ရရှိထားသော ဆရာဝန်မှ အများဆုံး ၁၄ ရက်အထိ သောက်သုံးရန် ညွှန်ကြားထားသောဆေးများ

ဂ) အစိုးရအသိအမှတ်ပြုလက်မှတ်ရရှိထားသော ဆရာဝန်မှ အိမ်တွင် ထားရှိရန် ညွှန်ကြားသော အောက်ဆီဂျင်တိုင်းကိရိယာ

ဃ) အာမခံထားရှိသူ၏ COVID-19 ကုသမှုအတွက် အကျုံးဝင်သော ဆရာဝန်ပြသစရိတ် (သို့မဟုတ်) ဆေးခန်းစရိတ်

၄)ပြန်လည်တောင်းခံနိုင်သော ပမာဏသည် အမှန်တကယ် ကျသင့်သည့် ဆေးကုသမှု ကုန်ကျစရိတ်အားလုံး ကို ပေးအပ်မည်ဖြစ်ပြီး ယင်းပမာဏသည် အာမခံထားငွေ၏ ၂၅% နှင့် အများဆုံး ကျပ်ငွေ ၁,၀၀၀,၀၀၀ ထက် မကျော်လွန်ရပါ။ ဥပမာ - အာမခံထားငွေသည် ကျပ်သိန်း ၃၀ ဖြစ်ပြီး COVID-19 စစ်ဆေးရန်နှင့် ကုသမှုအတွက် ဆေးဝယ်ယူရန် ငွေကျပ် ၂ သိန်း ကုန်ကျပါက  ပြန်လည်တောင်းခံနိုင်သော ပမာဏမှာ ငွေကျပ် ၂ သိန်း ဖြစ်သည်။ တူညီသော အခြေအနေတွင် COVID-19 စစ်ဆေးရန်နှင့် ဆေးဝါးများအတွက် ငွေကျပ် ၈ သိန်း ကုန်ကျပါက ပြန်လည်တောင်းခံနိုင်သော ပမာဏမှာ ငွေကျပ် ၇ သိန်း ၅ သောင်း (အာမခံထားငွေ၏ ၂၅%) ဖြစ်ပါသည်။

၅) သာမန်နှင့် သာမန်ထက်ပိုသော COVID-19 ရောဂါလက္ခဏာများအတွက် ပြန်လည်တောင်းခံနိုင်သော ပမာဏမှာ ဆေးရုံတက်ရောက်ကုသခြင်း အကျိုးခံစားခွင့်အစား (သို့မဟုတ်) တစ်ပါတည်း ပေးအပ်ထားသော ပမာဏဖြစ်ပါသည်။ အဆိုပါ ပမာဏမှာ သီးခြားထုတ်ပေးခြင်း (သို့မဟုတ်) ထပ်ဆောင်းပေးအပ်သော ပမာဏ မဟုတ်ပါ။

၆) ပြန်လည်မတောင်းခံနိုင်သည့် ကုန်ကျစရိတ်များမှာ -

က) အာမခံထားရှိသူအတွက် မဟုတ်သော ဆေးကုသစရိတ်များ (သို့မဟုတ်) COVID-19 စစ်ဆေးသည့်စရိတ်များ

ခ) အာမခံထားရှိသူအမည်နှင့် ပေးချေထားခြင်း မရှိသော ကုန်ကျစရိတ်များ

ဂ) အောက်ဆီဂျင်အိုး သို့မဟုတ် အောက်ဆီဂျင်ထုတ်စက် ဝယ်ယူမှုအတွက် ကုန်ကျစရိတ်များ

ဃ) COVID-19 ကုသရန်အတွက် မဟုတ်ဘဲ ဝယ်ယူသည့် အခြား ဆေးဝါးများ (ဥပမာ - ဆီးချို သို့မဟုတ် သွေးတိုးအတွက် ပုံမှန်သောက်ရသောဆေးများ)

င) COVID-19 နောက်တစ်ကြိမ် စစ်ဆေးမှုများ

စ) အိမ်တွင်းအထူးကြပ်မတ်စောင့်ရှောက်မှုအတွက် ကုန်ကျစရိတ်များ

၇) ကျွန်ုပ်တို့အနေဖြင့် ဖော်ပြပါအကျိုးခံစားခွင့်များနှင့် ပတ်သက်၍ ပြောင်းလဲခြင်း၊ ရုတ်သိမ်းခြင်း စသည့် စည်းကမ်းသတ်မှတ်ချက်များကို အချိန်မရွေး ပြုပြင်ပြောင်းလဲပိုင်ခွင့်ရှိသည်။ တစ်စုံတစ်ရာ အငြင်းပွားမှု ပေါ်ပေါက်ခဲ့ပါက ကျွန်ုပ်တို့ဘက်မှ အတည်ပြုဆုံးဖြတ်ပိုင်ခွင့်ရှိပါသည်။